Amy Jade Winehouse (* 14. Septemba 1983 in Southgate, London; † 23. Juli 2011 in Camden, London) woa a britische Sängarin und Liadaschreiwarin. Se hod vo R'n'B bis Jazz und Soul gsunga.[1] Söwa hodsa si ois Soulsängarin bezeichnet[2] und hod auf da Tradition vo da Londona Mod-Kuitua vo de 1960a Joa aufbaut, de wos Soul ois Ausdruck vau Subversion und Eskapismus gseng haum.[3] Mitn Oibum Black to Black hods 2006 ian Duachbruch ghobt und fümf Grammy Awards dafia ogramt[4]
De Amy is in ana jidischn Famülie in Noadlondon aufgwoxn, vau da Muada hea mit russischn Vuafoan.[5][6] Sie is scho ois Jugendliche in Londona Clubs auftretn und hod mit 18 ian easchtn Plottnvatrog untaschriem.
Nem ian musikalischn Eafoig, woa de Winehouse aa a Mode-Stüikone. Sie hod zan Beispü a Renaissance vo da Behive-Frisua vau de 1960a Joa bewiakt.[7] Da Karl Lagerfeld hod fia a Chanel-Modnschau im Joa 2007 den Winehouse-Stü iwanumma. De Modölle woan wia de Amy gschminkt und haum Beehives drong.[8]